Djamars, 6 di mei, Sentro pa Salú Públiko (SSP) a kuminsá ku seshonnan di informashon interaktivo na Marnix school, komo parti  di su kampaña di prevenshon.

 

Na e promé seshon, alumnonan di grupo 5 a partisipá aktivamente ku masha atenshon, kuriosidat i entusiasmo. Durante di e seshon, nan a siña di un manera fasil kiko diabétis ta, kiko e diferensha ta entre tipo 1 i tipo 2, i kua medidanan un hende por tuma pa prevení diabétis tipo 2. Ademas, a informá tokante síntomanan ku por indiká diabétis tipo 2.

 

E alumnonan di grupo 6 i grupo 7 tambe a sigi e seshonan aki, ku e meta pa trese konsientisashon riba importansia di un estilo di bida saludabel i kon por rekonosé señalnan di riesgo na edat diferente. E seshonan a tuma luga durante un periodo di tres dia.

 

SSP ta disponibel pa tur hende ku tin un seguro médiko lokal i ta traha den estrecho kolaborashon ku dòkternan di kas pa duna kuido grátis na personannan ku ta manehá diabétis i ‘prediabeten’. Bo por registrá fasil via www.salupubliko.com òf yamá 9304 grátis. 

 

Ku tres lokalidat riba nos isla (Otrobanda, Montaña i Bandabou), SSP ta traha aktivamente pa hasi kuido preventivo mas aksesibel pa hinter komunidat di Kòrsou.

Bo ke invitá SSP pa bin duna un charla informativo na bo skol, organisashon òf evento? Tuma kontakto via: info@salupubliko.com